Die Manifestasie van Vreugde in 2014

Wy jouself daaraan om vreugde te manifesteer in alles wat jy doen in hierdie komende jaar.

Geluk het nie net een definisie nie. Dit is verskillend vir elke individu. En geluk is nie net te vinde in die groot dinge van die lewe nie.

Dit draai nie net om die nuwe motor of die miljoen-rand woning nie. Geluk kan gevind word in 'n oulike grappie wat jou laat lag elke keer as jy daaraan dink. Dit kan gevind word in jou gunsteling rolprent wat jy elke Sondag kyk of 'n wandeling op die strand Dit verbaas jou in die stem van 'n kind wanneer hy of sy jou vertel van hul dag. Geluk is binne jou en al om jou. Jy hoef nie te ver te soek om dit te vind nie.

My wense vir jou 2014 is 'n jaar gevul met VREUGDE, LIEFDE en INSPIRASIE!

Voorspoedige Nuwe Jaar! 

::

Bevry jouself

Partymaal moet jy alles laat gaan - heeltemal skoonmaak en reinig. As jy ongelukkig is met iets - wat ookal dit is wat jou onder kry, raak ontslae daarvan. Want jy sal vind dat, wanneer jy vry is, jou ware kreatiwiteit, jou ware self, na vore tree.

Jou filosofie word nie die beste uitgespreek in woorde nie; dit word uitgespreek in die keuses wat jy maak. Oor 'n tydperk skep ons ons lewens en skep ons onself. Die proses eindig nooit nie. En, die keuses wat ons maak is uiteindelik ons eie verantwoordelikheid.

Binne elk van ons is 'n verborge stoor van energie. Energie wat ons kan gebruik om deel te neem aan die maraton van die lewe.

Binne elk van ons is 'n verborge stoor van moed en dapperheid. Dapperheid om ons die moed te gee om enige uitdaging te aanvaar.

Binne elk van ons is 'n verborge stoor van vasberadenheid. Vasberadenheid wat ons sal ondersteun wanneer alles hopeloos lyk.

Selfs die gelukkigste lewe is nie sonder 'n tiksel donkerte nie en die woord 'gelukkig' sal waardeloos wees as dit nie gebalanseer is deur treurigheid nie. Dit is veel beter om dinge te aanvaar soos dit kom met geduld en gelatenheid.

'Verander dit wat jy kan verander, aanvaar dit wat jy nie kan verander nie en verwyder jouself van dit wat onaanvaarbaar is.'
- Maree

.

Jy Hoef Nie slegte Kinderdae-gebeurtenisse te Verwerk Nie

Jy hoef nie terug te gaan om slegte kinderdae-gebeurtenisse te verwerk en uit te sorteer nie, want dit is daardie kinderdae-gebeurtenisse wat 'n vibrasie in jou geskep het wat jy nou nog offer - wat vandag se gebeurtenisse te weeg bring. Jy kan jou vibrasie baie makliker verskuif wanneer jy konsentreer op HUIDIGE gebeurtenisse eerder as om dit te probeer doen deur kinderdae-gebeurtenisse te verwerk. Dis dieselfde vibrasie. Daai vibrasie wat kinderdae-gebeurtenisse geskep het, skep nou vandag se gebeurtenisse.

Verwerk dit in jou huidige NOU.

"Watter gedagte voel beter? Watter gedagte voel beter? Watter gedagte voel beter?"
- Maree

.

'n Leseres se suksesverhaal

'n Vriendin en gereëlde besoeker aan my webwerf, ons noem haar "Sannie", het vir my hierdie skryfstuk gestuur nadat ek haar lank gepor het om haar verhaal te vertel. Sy was suksesvol in baie aspekte van haar lewe, maar het deur die jare moeilike tye beleef - 'n ekskeiding wat haar pennieloos gelaat het en van al haar selfvertroue beroof het, het haar laat begin om haar lewe van voor af te evalueer...

"My reistog na selfontdekking na my egskeiding was onafgebroke en ek was besig met die uitbreiding van die beeld van myself en my eie identiteit. In die algemeen dink ek dat ek uiteindelik begin het om suksesvol en gelukkig te voel na my besigheid suksesvol begin word het.

Ek het 'n groeiende gevoel van welwillendheid en tevredenheid gehad en ek is mal oor moeder wees en die versorging van my dogtertjie. Ek het my lewe geniet as 'n enkel-ouer en het baie gehaltetyd gespandeer saam met my dogter. Boonop het ek 'n pragtige vier-slaapkamer huis in 'n wonderlike area gekoop. Ek het 'n goeie bestaan gemaak en het elke jaar meer en meer verdien.

Soos ek bewustelik gewerk het aan 'n gevoel van waarde en waardigheid, het ek ook optimisties gevoel omtrent die lewe en was meer standvastig as ooit tevore. Ek het moedig gewerk aan moeilike negatiewe emosies, geleer wat ek kon van hulle en verkies om hulle te vervang met meer positiewe gevoelens.

Nietemin, daar het nog iets geskort. Alhoewel ek vorentoe beweeg, het ek aangevoel dat ek soveel meer in die lewe kon roep.

Finansiële kwellings en vrese dat ek nooit weer liefde sal vind nie het aan my geknaag. Ek het nie geweet hoekom ek so rusteloos was nie en het 'n gewaarwording van ontbering ondergaan.

Ek het nooit besef dat my emosies besig was om my vaagweg ontevrede te laat voel nie, aangesien dit so subtiel was dat ek dit baie maal nie raakgesien het nie. My positiewe gevoelens was daar, maar dit was asof baie van hulle skaars hoorbaar was sodat ek 'n sterk poging moes aanwend om hulle te hoor.

Ek het gevoel dat, as ek harder probeer, ek sukses kon "forseer" en my lewe tot 'n hele nuwe vlak lig, maar ek het vinnig gevind dat ek na nêrens op pad was, maak nie saak hoé hard ek probeer het nie.

Gevolglik het ek so styf vasgehou aan alles wat ek behaal het, en was nou oorweldig deur negatiewe gedagtes en gevoelens omtrent alles wat ek nie gehad het nie. Die sukses wat ek geniet het, het gelei na 'n hunkering vir nog meer. Ek het geglo dat, as ek net meer kan verdien, ek minder angstig sou voel en meer vrede sou ondervind. Maar hoe méér en harder ek gewerk het om te hou wat ek het en om meer in te palm, hoe groter was my vrees.

Toe my inkomste skielik begin val, het ek wanhopig probeer vasstel wat ek besig was om professioneel verkeerd te doen. Ek het die nodige risikos geneem om besigheid op te stoot, maar wat ek nie besef het nie was dat, die feit dat ek besig was om te fokus op wat ek NIE wil hê nie (naamlik vrees, angs en ontbering), besig was om my terug te hou van die bereiking van dít wat ek wel wou hê - tevredenheid, kalmte en oorvloed. Ek het probeer om die spirituele onderrigters en selfontwikkelingsdeskundiges, wie gesê het weelde en oorvloed sal myne wees as ek dit net aanvaar, te glo, maar ek het gevoel asof ek geen beheer het oor hoe om meer geld te maak nie.

Ek was vreesagtig ek sou my besigheid en huis verloor, en was besig om ingesuig te word in 'n draaikolk van negatiwiteit. Ek het my self-waarde betwyfel en gewonder hoe ek kon durf om ander te

Gelukkig het ek hierdie slagspreuk onthou :

"Om alles te besit, moet jy gewillig wees om alles te verbeur."

Dit was nodig vir my om myself te bevry van die vrees dat ek myself sou verloor as ek al my 'besittings' sou verloor. Ek het besef dat, indien ek dit kon doen, ek werklik sou ophou om vreesagtig te wees. Maar het ek die moed gehad om van alles afstand te doen?

Die werklikheid is dat ek nie régtig van alles sou moes afstand doen nie (ek sou bv. nie van my huis moes ontslae raak nie), maar ek het verstaan dat ek gewillig moes wees om van alles afstand te doen. Ek moes bereid wees om myself los te maak en af te sonder van my besittings - maak nie saak wát ek sou verloor nie - ek besit die mag om my vrees en angstigheid te beheer en geluk vir myself te skep.

Ek het besef daar is geen rede om besitlik te wees oor aardse besittings nie as ek net geloof kon hê dat alles in my lewe weer geskep kon word, want ek het dit geskep in die eerste plek. As jy die mag het om te bou, het jy die mag om te her-bou.

As ek vol vertroue wil wees, moet ek vertroue skep en die Heelal sal reageer deur my te help om te slaag.

As ek ryk wil wees, moet ek 'n gevoel van rykdom en oorvloed skep en die Heelal sal Voorspoed bewerkstellig.

Ek het verstaan dat dít wat ek probeer skep nie noodwendig sal verskyn in die vorm wat ek verwag nie, bv. miskien sal ek nuwe kliënte kry, of die geld sal kom uit 'n ander onverwagte oord. Natuurlik sou ek die beste moes maak van al die geleenthede wat die Heelal voor my deur lê, maar ek het nou gewéét dat dit nie nodig was om angstiglik te sukkel om my doelpunt te bereik nie. Ek kan die situasies aantrek wat die ewebeeld is van my geluk, oorvloed en vertroue.

Die oomblik wat ek opreg begin glo het dat ek meer is as wat ek besit - dat ek nie gedefinieer is by wat ek behaal het of besit nie - het my lewe dramaties begin verander.

Ek het die emosies geskep wat ek wou beleef en die nuutgevonde krag binne myself laat toe dat ek groei en floreer soos nog nooit tevore!"

.

Eerlikheid

Fotoverwysing - onbekend

Eerlikheid is essensieel om verandering te bewerkstellig en te identifiseer wie jy eintlik is en wat jy waarlik wil hê. Wanneer jy oneerlik is omtrent wie jy is en waarin jy regtig glo, dan versterk jy die idee dat dit nodig is vir jou om voor te gee jy's iemand anders of dat jy fundamenteel nie "goed genoeg" is nie.

Erger nog, jy ondermyn omtrent elke hoof prinsiepe van self-verbetering want dis alles gebaseer op die feit dat jy klaar jou eie self en -doele geïdentifiseer het. Dis onmoontlik om dit te behaal as jy jouself ontken en verloën. Sonder die waarheid omtrent wie jy is en wat jy waarlik begeer, kan jy nie helderheid in die lewe hê nie en kan jy nie jou drome bewaarheid nie want jy het nie waarlik rigting nie.

Baie mense gebruik self-desepsie as 'n verskoning om nie na binne te kyk nie - hulle omstandighede, die mense om hulle of dinge van die verlede. Wat hulle meesal nie besef nie is dat dit hulle effektief in 'n self-saboteurende en selfveragtende kringloop hou wat verhoed dat hulle vooruit beweeg in hulle lewe en om hulle drome te bewaarheid.

Om eerlik te wees bedoel nie jy moet al jou bose geeste als op een tyd aanpak nie, maar dit verg wel dat jy 'n eerlike begin maak met jou self-ondersoek en te aanvaar wat dit is waarmee jy te doen het. Deur dit te identifiseer word dit moontlik vir jou om verby dit alles te sien na jou ware, oorspronklike self.

Sodra jy jou ware self ontdek het, is dit makliker om vas te stel wat jy wil hê uit die lewe. Dan kan jy voortbeweeg en besluit hoe om jou bose geeste te werk te gaan of net rondom dit te werk tot jy gereed voel om dit aan te pak.

Dit is nodig dat jy eerlikheid op alle vlakke van jou lewe toepas, nie net met jouself nie. Wanneer jy oneerlik is, sê jy eintlik jy is nie goed genoeg nie, jy verdien nie die beste nie en dat jy altyd oneerlik moet wees om dit te kry.

 Dit maak nie saak wat dit is nie - leuens vertel, steel, oordryf om mense te beïndruk, nie iets sê as iemand jou te veel kleingeld gee nie, ontrou wees in jou verwantskap ... Op die mees fundamentele vlak is dit alles 'n negatiewe verwysing na self.

In hierdie tyd van aggressiewe bemarking en half-waarhede kan eerlikheid dalk gesien word as 'n uitdaging! Maar in werklikheid is dit nie; ons weet altyd diep binne wat is waarlik eerlik en as jy ooit twyfel, draai die tafels om en stel jouself in die ander persoon se skoene ... voel dit nog eerlik?

Om eerlik te wees verg nie veel dissipline nie en is partymaal moeilik om aan die begin toe te pas want ons is het almal so gewoond geraak aan die klein wit leuentjies wat die lewe soveel makliker gemaak het. Maar daardie beeld is vals - om eerlik te wees vergemaklik die lewe soveel meer en bevry ons van al die energie wat dit verg om 'n vals beeld voor te hou.

Die goeie nuus is dat eerlikheid met oefening baie makliker word, veral wanneer jy besef dat ander mense jou eerlikheid begin agterkom en jou al hoe meer begin respekteer. Jy sal ook gesien word as 'n betroubare en gebalanseerde individu en almal sal weet waar hulle met jou staan.

Ten slotte, onthou om altyd saggesind te wees en altyd uit liefde eerlik te wees. Baie maal word die 'waarheid' as a wapen gebruik om iemand seer te maak - wanneer jy jou eerlikheid en waardigheid ontdek, sal jy ook vind dat jy vele meer geestelike vaardighede by gekry het om struikelblokke te hanteer. Onthou ook dat om eerlik te wees nie bedoel dat jy jou standpunte op iemand anders moet afdwing nie.

Wees eerlik met jouself, wees eerlik met ander en doen dit altyd met liefde.

.

'n Voorspoedige en Voldane lewe

Om volkome te lewe is om elke oomblik bewustelik te lewe. Dit is om self-gemaakte lyding te verruil vir vrede deur aanvaarding en om toe te laat dat liefde angs vervang deur stilte en vrede.

Die lewe word nie bepaal deur wat met ons gebeur nie; dit word bepaal deur hoe ons hierdie ondervindings gebruik om hierdie 'n beter wêreld te maak. Ons bestemming word nie bepaal deur die paadjies wat ons ge-erf het nie, maar deur die paadjies wat ons self uittrap.

Binne elke storm van die lewe is 'n sleutel wat nog 'n deur sal oopsluit waardeur jy moet loop.

Om rustig te lewe bedoel nie dat ons wegskram van probleme of die verpligting om hulle op te los nie. Net die teenoorgestelde -- ons vind die helderheid en teenwoordigheid van gees om die daaglikse dinge meer konstruktief en positief te hanteer.

As jy 'n begeerte het wat jy nie kan versaak nie, dan het jy die eerste bestanddeel vir prestasie: 'n droom. Jou droom is al wat jy nodig het om te begin; dit is die bloudruk vir die toekoms.

Voorspoedige mense is in lyn met die lewe op 'n manier wat oorvloed aantrek. Hulle is in lyn met visie en begeerte, en hulle gooi nie tou op nie. Om aan te hou is om in die rigting van harmonie met die lewe te beweeg.

Ons kan kies om in die verlede te bly of ons kan die lewe deur die oë van 'n kind sien -- met nuutheid, vreugde en die opwinding van avontuur. As ons fokus op wat ons dink is 'n toekomstige eindlyn, dan mis ons iets spesiaals: vandag se klein oorwinnings.

Om hierdie oomblikke van vreugde te ontdek is een van die lewe se mees belonende avonture!

.

Oorvloed is Oral te Sien

Mense skep baie maal vir hulself ontsaglike lyding net oor hulle in die skuld is of geld verloor het. Hulle skep intense gevoelens van woede, neerslagtigheid en vrees; al hierdie gevoelens is afbrekend en verwoestend en maak dit nóg moeiliker of die verlore OORVLOED terug te kry.

Omdat hulle ontsteld is, mag hulle dalk dan met die mense om hulle oor geld baklei of teneergedruk raak, sonder om te besef dat die mag om wéér oorvloed te manifesteer nog altyd vir hulle beskikbaar is.

Wanneer 'n mens verstaan dat geld maar net een vorm is van die yslike mag bekend as oorvloed, en dat jy altyd rykdom en oorvloed van die altoos-gewende Heelal sal ontvang, word dit makliker om van negatiewe gevoelens omtrent geld, en die oortuiging dat materiële rykdom meer belangrik is as ander vorme van oorvloed, ontslae te raak.

Vra jouself hoeveel jou sig en jou gesondheid werd is. Hoeveel sal ek jou moet betaal om jou verwantskap met jou geliefde te eindig? Ek raai dat jou gesondheid, jou sig en die mense vir wie jy lief is, is veel meer werd as enige geld wat iemand jou kan offer.

Wanneer jy iets ontvang, en dis nie geld nie, ontvang dit met Dankbaarheid en genot.

Laat jou kreatiwiteit toe om te floreer en jy sal maniere ontdek om jou oorvloed om te sit in iets wat onmiddellik vir jou bruikbaar is.

Wysheid en kennis is vorms van oorvloed wat ons partymaal mis kyk.

'n Antieke handelaar wat ek ken het gereëld items en meubels van minder gegoede en daklose mense gekoop wat hulle by die vullishoop uitgesnuffel het. Hy was altyd vriendelik en gaaf teenoor hulle. Eendag het een van sy gereëlde verskaffers, wie dakloos was, opgemerk dat hy onlangs 'n goue plaat van 'n welbekende sanger aangeskaf het.

"Jou prys is te laag," sê hy. "Ek weet, want ek was voorheen in die musiek bedryf."

Die antieke handelaar het stil geluister na wat die man te sê het, en besluit om sy advies te vat en toe die prys viervuldig verhoog. 'n Paar dae later het sy tandaarts binne geloop en was baie opgewonde oor die goue plaat.

"Luister, ek wil baie graag daardie plaat besit, maar ek het nie soveel geld nie. Hoe lyk dit ek doen daai tandwerk waaroor ons gesels het in omruil vir die goue plaat?"

Die antieke handelaar was dus in staat om te betaal vir die duur tandwerk wat hy nodig gehad het maar nie kon bekostig nie omdat hy dankbaar was vir die oorvloed wat hy onverwags ontvang het en dit kon omsit in iets bruikbaars.

.

As rykdom "sleg" is, is armoede goed?

Wat sou dit behels om ryk te wees? Dit sou bedoel dat geld nie 'n probleem is nie; jy kan soveel meer vrygewig teenoor ander wees as jy dit sou verkies; dit sou bedoel jy het die vryheid om die dinge te doen wat jy waarlik wil. Dit sou bedoel jy kan reis, kunswerke aanskaf, boeke koop; almal sielsverrykende aktiwiteite. En dis sleg omdat...?

Die rede waarom mense sou sê dat dit nie 'goed' is om ryk te wees nie, is omdat hulle verkeerdelik glo dat daar nie genoeg geld vir almal is nie. Die Heelal het genoeg reserwes om ieder en elke wens te vervul. En deur jouself te ontneem dít wat jy wil hê dien geen doel nie, aangesien dit nie die rykdom oorskuif na iemand anders nie. Vir jou om arm te wees maak nie iemand anders ryker nie, gee hulle nie meer nie, help hulle op geen moontlike manier nie.

Dit is daar vir ons almal. Jy ontvang of jy ontvang nie. En derhalwe is die slegste ding wat kan gebeur die feit is dat jy oorvloed en helderheid en voorspoed, in rande, na jou toe kan aantrek en jy sal dus ook hierdie merkwaardige voorbeeld wees wat ander kan navolg. Dan kan hierdie "slegte" ding ook met hulle gebeur!

Maak vrede met geweldadige oorvloed. Jy is meer geneig om 'n hoër vibrasie te hê en meer oorvloed aan te trek is jy geld uit die element te los. Nie omdat geld "die wortel van alle kwaad" is nie, maar omdat dit gewoonlik jou vibrasie ontstel.

.

Selfsorg en Meditasie

Meditasie kan jou gesondheid verbeter, jou energievlakke verhoog en jou vreugde vir die lewe verhoog.

Hoewel baie mense meditasie vereenselwig met Oosterse gelowe, beoefen amper elke geloof in die wêreld 'n vorm daarvan. In die Christelike geloof is daar selfs teksverse in die Ou Testament wat mense aanmoedig om te mediteer. Meditasie is ook goed vir jou gesondheid.

Meditasie is vir die gees wat asemhaal is vir die liggaam. Dis ‘n doodnatuurlike proses wat ons die ruimte gee waarbinne ons onsself kan wees, waar ons nie verskoning hoef te maak vir onsself nie; nie regverdiging te soek vir onsself nie, waar ons geen ingewikkelde teorie hoef te begryp of geen tegniek hoef te bemeester nie. Ons hoef net te wees en in ons diepste wese te ervaar hoe goed die lewe is, watter ontsaglike waardevolle geskenk dit is. Elke meditasie is ‘n nuwe begin wat ons deur middel van groot eenvoud leer om minder versteurbaar te word, minder afhanklik van eksterne stimuli en goedkeuring vir ‘n gevoel van tevredenheid en balans.

Sonder twyfel sal baie mense baat deur meditasie en deur die tyd te neem om die eenvoudige oefeninge te doen wat gebruik word om die gedagtes te kalmeer, stres te verminder en energievlakke te verhoog.

Daar is geen een-dimensionele woordeboekdefinisie van meditasie nie, en geen metafoor verhelder dit ten volle nie. Maar dit kan vergelyk word met ‘n pêrel van onskatbare waarde; die een ding wat meer “nodig” (essensieel) as alle ander dinge is.

Ongeag wat ons beskouing is oor wat die essensie of doel van die lewe is, ons opdrag bly dieselfde: Ons moet onsself ken indien ons geken wil word. Onsself liefhê, versorg, ons gesondheid respekteer. Hierdie is nie kennis van die Vals Self wat berus op fassinasie met die self of deur ‘n preokkupasie met die self verkry word nie. Dis nie die soort liefde wat die ego in die middelpunt plaas en ander dinge daaraan ondergeskik wil stel nie. Dis kennis van die Ware Self wat ons in staat stel om met groter gemak te sê wie die Ander is.

SO WAT IS MEDITASIE?
Meditasie is 'n manier om ons self te transformeer en te heel. Wanneer ons mediteer, dan laat ons toe dat die draaikolk van gedagtes en idees verstadig tot by die punt waar ons kalm en positief met onsself kan konnekteer. Alhoewel daar baie verskillende maniere is om te mediteer, leer alle style ons om ons aandag te verskuif en te her-konnekteer met dié gedeelte van jouself wat waar en eg is.

HOEKOM DIT NODIG IS OM TE MEDITEER
Ongelukkig gaan ons nie deur die lewe soos kinders nie. Ons almal kom moeilike en stresvolle situasies teë gedurende ons lewe. En in plaas van om elke dag vars te begin, neig ons om die wêreld en negatiewe dinge van die verlede saam te sleep. Die gelukkige tevrede persoon wat jy was word oorweldig deur hierdie emosies en skielik voel jy ongelukkig en ontevrede en omdat die proses so subtiel is, weet jy nie hoekom nie.

Meditasie is 'n manier om deur daardie lae van emosies van die verlede en oordrewe gedagtes te breek. In plaas daarvan dat ons gedagtes en liggame oorgelaat is aan die genade van die lewe, neem ons beheer. Ons fokus ons aandag op 'n bewustelike manier en sien dan stadig hoe die valse lae van onsself begin te verdwyn soos ons weereens terugkeer na die oorsprong van ons geluk.

Alhoewel meditasie oeroud is en terug dateer na duisende jare, bevestig moderne wetenskaplike ondersoek nou wat ou wysheid lank terug ontdek het. Studie na studie bewys dat meditasie persepsie verbeter asook fokus, geheue en kreatiwiteit. Mense wat gereeld mediteer is gesonder, gelukkiger, meer ontspanne en meer produktief.

DIE WARE DOEL VAN MEDITASIE
Die doel van meditasie is om die toestand van ons hart en gemoed te transformeer en ons terug te bring na onsself. Soos ons gesonder en gelukkiger word en meer selfbewus raak, begin meer voordele natuurlik te vloei — verbeterde verstandelike funksionering, verbeterde intuïsie asook beter toegang tot onbewustelike hulpmiddels en bekwaamhede.

.

'n Voorspoedige en voldane lewe

Om voldaan te lewe is om elke moment bewustelik te lewe. Dit is om self-gemaakte lyding te verwissel vir vrede deur aanvaarding en om toe te laat dat liefde angs vervang deur stilte van vrede. 

Die lewe word nie bepaal deur wat met ons gebeur nie; dit word bepaal deur hoe ons hierdie ondervindings gebruik om hierdie 'n beter wêreld te maak. Ons bestemming word nie bepaal deur die paadjies wat ons ge-erf het nie, maar deur die paadjies wat ons self uittrap. 

Binne elke storm van die lewe is 'n sleutel wat nog 'n deur sal oopsluit waardeur jy moet loop. 

Om rustig te lewe bedoel nie dat ons wegskram van probleme of die verpligting om hulle op te los nie. Net die teenoorgestelde — ons vind die helderheid en teenwoordigheid van gees om die daaglikse dinge meer konstruktief en positief te hanteer. 

As jy 'n begeerte het wat jy nie kan versaak nie, dan het jy die eerste bestanddeel vir prestasie: 'n droom. Jou droom is al wat jy nodig het om te begin; dit is jou plan vir die toekoms.

Voorspoedige mense is in lyn met die lewe op 'n manier wat oorvloed aantrek. Hulle is in lyn met visie en begeerte, en hulle gooi nie tou op nie. Om aan te hou is om in die rigting van harmonie met die lewe te beweeg. 

Ons kan kies om in die verlede te bly of ons kan die lewe deur die oë van 'n kind sien — met nuutheid, vreugde en die opwinding van avontuur. As ons fokus op wat ons dink is 'n toekomstige eindlyn, dan mis ons iets spesiaals: vandag se klein oorwinnings. 

Om hierdie oomblikke van vreugde te ontdek is een van die lewe se mees belonende avonture! 

::

Begin VANDAG leef

Leef hierdie dag asof dit jou laaste sal wees. Onthou dat jy "môre" net op die kalender van gekke sal vind. Vergeet gister se terugslae en ignoreer die probleme van môre. 

Vandag is al wat jy het. Maak dit die beste dag van jou jaar. Lééf jou droom.

 Die treurigste woorde wat jy kan uiter is "Ek wens ek kon my lewe weer oor hê." Neem die vaandel en hardloop daarmee. Vandag is jou dag! 

Begin vandag en behandel almal wat jy ontmoet, vriend of vyand, geliefde of onbekende, asof hulle vanaand dood sal wees. Reik uit en gee elkeen al die liefde en begrip wat jy kan bemeester, en doen dit met geen gedagte aan vergoeding nie. 

Jou lewe sal nooit weer dieselfde wees nie.

::
 

Verandering

Om die deur toe te maak vir verandering is soos om in 'n weelderige huis met 'n pragtuin en swembad te woon en dan, in plaas van om in te duik en die heerlike water te geniet, sit jy net binne die huis en kyk uit na buite en dink hoe koud die water moet wees. En jy loop nooit in die tuin rond nie, kyk maar net soms daarna. En al die ander kamers? Wel, hulle is maar net vir gaste ... 

Jy bly in een bekende spasie met 'n stel voorgeskrewe ondervindings en noem dit dan jou "gemaks-sone". Vasgevang in jou een kamertjie met die gordyne styf toe getrek, hoop en bid jy dat 'eendag' die geluk jou ook sal tref en  dat alles wonderbaarlik sal verander. Want wonderbaarlike dinge gebeur mos net met ander mense, of so glo jy... 

Sukses in enige iets gaan omtrent beplanning, voorbereiding en absolute fokus op die eindresultaat. En nog meer belangrik, dit gaan oor die feit dat jy bereid moet wees om uit jou gemakssone te beweeg. 

Jy moet jouself skei van jou familiêre patroon van ondervinding en dit in onfamiliêre gebied waag, dan wag daar wonderlike ondervindings vir jou! 

::

Kies jouself - Selfsorg

If you have never been called a defiant, incorrigible, impossible woman… have faith. 

There is yet time. 

-Clarissa Pinkola Estes

 

’n Mens is so geneig om te dink dat dit selfsugtig is om op jouself en jou eie behoeftes te fokus. Maar as jyself nie vir jou sorg nie, gaan niemand anders dit vír jou doen nie! Ons is immers verantwoordelik vir ons eie lewe. Die meeste van ons voel skuldig as ons onsself die weelde van niksdoen of ten minste lekker dinge doen gun. Dag na dag word ons deur die ellelange doenlysies in ons lewe voorgesê. Maar soms is die produktiefste aktiwiteit wat jy kan doen om in ’n hangmat te lê en na die wolke te kyk. Dit voed jou menswees en is goed vir jou gesondheid! Ek glo in myself. 

Ander mense se opinies omtrent my is hulle verantwoordelikheid.
.

Ek word aangedryf deur passie.

Ek is presies waar ek moet wees.

Ek glo in my eie vermoë.

Ek glo aan leef en laat leef.

Ek is in beheer van my gedagtes.

Ek leef ongebonde en sonder vrees.

Ek vra nie om verskoning vir wie ek is nie.

Om myself eerste te stel is nie selfsugtig nie, dit gaan oor selfsorg.

Ek is 'n kind van die Heelal.

Vandag kies ek myself. 

::

Begin Vandag om lief te hê

Wat is dit wat die lewe die moeite werd maak? Waarom sal ons nóg 'n dag opstaan, nóg 'n dag aanpak, tevrede wees en ons seëninge tel? 

Na my mening is dit Liefde wat die lewe die moeite werd maak. 

Liefde is 'n keuse. 'n Keuse om lief te wees vir jou medemens, 'n keuse om lief te wees vir jouself, 'n keuse om lief te wees vir die lewe. Liefde is om vreugde te ervaar in alle aspekte van jou lewe en om waarlik lief te hê is ’n heerlike ontdekkingsreis. 

So BEGIN VANDAG om alles lief te hê en liefde te GEE. 

:: 

Selfsorg - Emosionele Hulp

Wanneer jy die dag voor ’n probleem groter as jy self te staan kom, is dit tyd om vir hulp aan te klop. Die vraag is net, aan wie se deur?

Ek weet nie of dit 'n onlangse ding is nie of was dit nog altyd so en is dit nou net meer sigbaar oor die tegnologie van die internet... Ek praat van die feit dat driekwart, of nee, ek gaan sê 'n baie hoë persentasie, van ons vrouens sit met emosionele probleme - en die feit dat daar net nie hulp daar buite is nie.

Met 'hulp' bedoel ek psigoloë en hospitale wat net pille wil voorskryf en gladnie wil of kan uitkom by die oorsaak van die probleem nie. Hulle behandel net die simptome, maar om by die eintlike oorsaak uit te kom, blyk buite hulle veld van ekspertise te wees (en hiermee daag ek enige psigoloog uit om my van anders te oortuig!)

'n Vriendin se persoonlike ondervinding - 'n psigoloog se raad - "jy MOET DEFINITEIF SKEI" - ek dog hulle is veronderstel om nie eensydig te wees nie; dat 'n mens deur leiding en self-ondersoek self tot 'n besluit moet kom.

 'n Ma met 'n verslaafde 15-jarige se dilemma - geen hospitaal of inrigting sal die kind opneem vir behandeling sonder die kind se toestemming nie (wat hulle weining min bereid is om te doen) - en die ouer se hande is gebind.

'n Ander voorbeeld is waar 'n psigoloog reguit aan 'n vriendin erken het "ek kan jou nie help nie". Na 4 jaar het hy (die psigoloog) egter tot die besluit gekom dat sy Bipolar is en 'n jaar daarna dat sy nié Bipolar is nie ...

So waar kan ons emosionele hulp vandaan kom? Behalwe ons geloof los dit net vriendinne en die vele internet self-help programme wat deesdae beskikbaar is. En ook dan moet 'n mens maar versigtig wees en nie net alles vir die waarheid aanneem nie. Maar daar is wel hulp aan-lyn as mens gewillig is om jou kop te gebruik en net toe te pas wat vir jou goed voel.

Dan is daar ook die alternatiewe genesingshulp soos Reiki, meditasie en Sacro-Cranial-terapie. Sacro-Cranial-terapie word as sulks beskryf deur die Departement van Gesondheid van Australia :

'Sacrocranial is a non-invasive therapy, using light touch to assess the quality of your Cranial Rhythm. This can be compared to a normal rhythm, to assess the state of your body and determine how well it is functioning. Light contact is made with the cranial and spinal bones in order to restore the cranial rhythm, boost blood circulation and drain lymph and sinus fluids in the head. As the appropriate bones are held and gentle contact is made with the soft tissue, you may be asked to concentrate on releasing tension and breathing.

Benefits of Sacrocranial Therapy include:

• Resolution of trauma and head injuries from accidents
• Healing of childhood injuries relating to spine and head
• Helping with learning difficulties in children 
• Healing of sports and other injuries
• Healing of birthing trauma. e.g. forceps delivery
• Help break down scar tissue
• Relaxation of the mind and body
• Reduction of stress
• Relief of headaches and migraines

Ek vind ook dat die gewildheid van "Dagboek Netwerke" aansienlik gestyg het oor die afgelope tyd - 'n bewys dat een van die self-help terapieë wat baie goed werk, is die emosionele hulp, raad en bystand wat vriendinne kan voorsien en ook om sommer maar net te skryf en te praat.

Om jouself te help is bemagtiging op sy beste. Wees net eerlik met jouself. Soms verkry ons onbewustelik voordeel uit ’n probleem en dis wat maak dat probleme voort duur. Vra jouself: ‘Hoe graag wil ek hierdie probleem oplos?’ en ‘Wat kry ek uit die probleem?’

Met ander woorde, wat is jou 'pay-off?' Die oplossing moet groter en beter wees as jou huidige 'pay-off'.

.

Die Wet van die Heelal

Oorvloed - Dit is die woord wat deur my gedagtes gaan amper elke dag wanneer ek bewustelik fokus op my omgewing - elke keer as ek na die natuur kyk, na die voeltjies luister wat sing, en elke keer as ek sien en hoor hoe my plante in my tuin groei - dan besef ek ons lewe in 'n ryk heelal vol van onbeskryflike oorvloed en die goeie nuus is dat daar meer as genoeg is vir almal!

Glo jy dit! Regtig, met jou hele hart!

Het jy al ooit gewonder hoekom soveel goeie mense alewig negatiewe situasies in hulle lewe aantrek, terwyl andere skynbaar niks behalwe wonderlike situasies beleef nie? Die konsep is vol mag, moontlikhede en beloftes, as jy dit net sal gebruik.

Jy is die allerhoogste vorm van skepping; jy is 'n lewende, kreatiewe magneet. Jy besit die vermoë om te beheer wat jy beleef in jou lewe. Daar was nog altyd 'n klein selektiewe groep van individue wie bewus was van hoe om in harmonie te werk met hierdie natuurlike Wet van die Heelal : die geheim is Die Wet van Aantrekkingskrag.

Alles in die Heelal vibreer. Dit is gebaseer op die Wet van Vibrasie. Dit sluit in jou siel, jou verstand, bewussyn en jou liggaam.

Kyk na jou liggaam deur 'n mikroskoop - dit is 'n massa energie wat beweeg en vibreer. Jou verstand beheer die vibrasie wat jy ondervind op enige gegewe oomblik. Jy beheer jou verstand deur die gedagtes wat jy kies. Niemand kan jou enige iets laat dink wat jy nie wil dink nie. Dit is waar vryheid inkom, en dit is ook waar die probleem begin met meeste mense. Hulle laat toe dat, wat om hulle omgaan, besluit wat hulle moet dink. Hulle het 'n speelding geword vir uitwendige omstandighede.

"Moenie toelaat dat iets wat buite jou aangaan,
beheer wat binne aangaan nie."

Negentig persent van die populasie WENS positief maar DINK negatief. Hulle negatiewe gedagtes veroorsaak 'n negatiewe vibrasie wat, deur die Wet, besluit wat hulle in hulle lewens aantrek.

As 'n kreatiewe individu sal jy aanhoudend goeie dinge na jou toe lok deur positief te dink en die beste te verwag wat die lewe het om te offer. .


Jy verdien dit.
- Maree

Hou op omgee

Om op ons eie terme te lewe, moet ons twee dinge doen :

- Ophou om om te gee...
- Ons limietperke oorskry.

Kom ons begin by hoekom ons moet ophou om om te gee. Dit mag dalk vir jou skokkend klink, maar baie van dit wat in ons pad staan om ons drome te verwesenlik is die feit dat ons te veel omgee oor dinge wat nie saak maak nie.

Ons gee te veel om oor al die besittings wat ons dink ons moet hê. Ons gee te veel om oor wat ander mense dink, wat dan verhinder dat ons om vir hulp te vra as ons dit nodig het of vir iets te vra wat ons kan help om ons drome te verwesenlik. Om te veel om te gee oor die feit dat jy nie weet waar om te begin met iets nie, verlam jou en veroorsaak dat jy nie die nodige stappe neem nie.

Daardie soort omgee is nie gesond nie. Dit staan in die pad van die verwesenliking van jou drome.

So die eerste stap is: hou op om om te gee. Jy weet nie hoe om op te hou omgee nie? Dis eenvoudig, moenie dinge kompliseer nie. Verbeel jou jy het 'n warm kool in jou hand. Wat sal jy daarmee doen? Dit onmiddellik laat val, natuurlik. Doen dieselfde met dinge wat nie belangrik is nie. Maak dit jou bang? Ja. Is dit die moeite werd? Hel ja!

Die tweede ding wat jy moet doen is om jou onsekerheids-perke te oorskry. Ons het almal a sekere perk, of drumpel, vir die hoeveelheid onsekerheid wat ons kan hanteer. Vir party is die drumpel baie laag, ons is selfs bang vir die eenvoudige goed soos om met 'n vreemdeling te praat. Vir party is dit iets groter soos om op te hou werk en jou passie te volg. Daar is geen manier waarop jy die uitkoms kan bepaal nie, so dan stop jou onsekerheid jou om aksie te neem.

Die ding is, wat jou terughou, is meesal denkbeeldige vrese. Dis nie gebaseer op feite van wat in die verlede gebeur het of enige werklike inligting nie. Dis alles in jou kop.

So ten einde ons drome na te volg moet ons ophou omgee omtrent dit wat ons nie weet nie. Ons moet ons drumpel van onsekerheid oorskry, ons gemaks-sone verlaat en dan sal ons groter uitdagings kan aanvaar. Begin klein deur met 'n vreemdeling 'n geselsie aan te knoop of deur iemand te vertel hoe jy werklik voel.

Wanneer jy vrees ondervind omtrent iets wat jy wil doen, vra waar daardie angs vandaan kom. Is dit iets werkliks of is dit jou verbeelding? Is jy in lewensgevaar? Indien nie, doen dit wat jy vrees... Stoot jou onsekerheids-perk. Jou drome hang daarvan af.

Hoe meer jy dit doen, hoe minder bang sal jy wees om groter waagstukke aan te gaan. Jy sal verander van 'n muis na 'n leeu. Jou drome sal wortel skiet in die wêreld.

.

Lei 'n opwindende lewe na 60

Vir diegene van ons wat al oor die 60 trek is daar baie veranderings wat in ons lewens plaasvind. Meesal is al die kinders uit die huis, jy staan up die punt om af te tree, en deesdae bedoel aftree iets baie anders as wat ons ouers gedoen het.

Diegene van ons wat tussen 1946 en 1960 gebore is, word "baby boomers" genoem - en aftree bedoel om heeltemal 'n nuwe, interessante, opwekkende en opwindende lewe te betree - een van bemagtiging en hernuwing. Dis nie vir ons beskore om net op die stoep te sit en koffie drink nie - ONS gaan nuwe uitdagings aanneem en hierdie derde fase van ons lewe omskep in iets wonderliks!

Maar vir baie mense is hul identiteit gekoppel aan wie hulle is in hulle werk - Rekenmeester, Veiligheidswag, Direkteur, Ingenieur of wat ookal. Meeste mense maak voorsiening vir die geldelike kant van aftreding - genoeg om van te lewe, genoeg om 'n bietjie te reis en vir die kinders te kan gaan kuier - maar min maak niks of geen voorsiening vir die geestelike sy van aftreding nie. Vir meeste mense kom dit as 'n skok as hulle skielik besef dat hulle nou "niemand" is nie - hulle kan nie meer sê "Hallo, ek is Ben, die Direkteur van XXX Maatskappy" nie, en vir menige mense lei dit tot 'n gevoel van nutteloosheid en asof hulle rigtingloos is, 'n gevoel dat hulle maar net so wel op die stoep kan bly sit.

Maar dit hoef nie so te wees nie. Die wêreld het verander en daar is verskillende keuses beskikbaar vir ons. En die een keuse is om jouself geestelik voor te berei vir 'n lewensstyl wat heeltemal anders is as waaraan jy gewoond is, maar een wat ook wonderlik en bemagtigend gaan wees. En dit beteken ons moet "self-doelgerig" wees.

Self-doelgerigtheid bedoel jy moet diep binne jouself delf om te ontdek wie jy eintlik is, vir dít wat vir jou belangrik is - jou mees geliefde belangstellings en aktiwiteite, jou verhoudings met familie en vriende en doelpunte wat jy nog wil bereik. Sodra jy hierdie dinge kan identifiseer, kan jy 'n waarlike poging aanwend om hierdie belangrike aktiwiteite in jou aftredingsplan in te sluit en as sulks jou eie 'lewensverhaal' vir die toekoms' te skryf.

Hierdie is JOU lewe - leef elke dag voluit tot jou laaste!
.

Oorvloed vs Armoede

Het jy al ooit deelgeneem aan 'n resies, of vir 'n uitgestrekte periode voluit gewerk of 'n lang distansie geswem? Onthou jy hoe, kort na jy begin het, jy moeg begin voel het? Onthou jy hoe, voordat jy 'n lang distansie afgelê het, jy gedink het jy het jou uiteinde bereik? Maar onthou jy ook hoe, toe jy aangehou het, jy weer krag gekry het, jou moegheid verdwyn het, jou spiere geklop het met energie en jy letterlik 'n stormaanval van spoed en uithoudingsvermoë beleef het?

Binne in elke mens is magtige reserwes energie waarvan die normale individu nie bewus is nie. Meeste mense is soos die man wat sy motor in eerste rat bestuur, onbewus daarvan dat hy na 'n volgende rat kan verskuif en nie net alleenlik sy spoed kan vermeerder nie, maar ook meer krag kan bespaar.

Die Heelal voorsien mildelik. Daar is oorvloed vir almal. Maar net soos jy moes uithou en volhou om weer krag te kry, so moet jy streef na vervulling van oorvloed vanaf die Heelal.

Die wêreld behoort aan jou. Dit is jou eiendom. Dit voorsien nie alleenlik jou lewe nie, maar voorsien alles wat jy mag begeer. Maar jy moet aandring op hierdie dinge. Jy moet niks vrees nie, vir niks stop nie. Jy moet oorheers, nie ineenkrimp nie.

"Kyk hoe groei die blomme!" Die blomme, die voëls, alle kreasie, is alewig aktief. Die blomme en bome in hulle groei, die voëls en wilde diere in hul nesmaak en soektog vir kos, alewig besig maar nooit bekommerd nie. Jy weet jy benodig hierdie dinge en alles sal voorsien word.

As almal sal ooreenkom om op te hou bekommer - om vlytig te wees, maar nooit angstig oor die uitslag nie - sal dit die begin van 'n nuwe era wees in menslike vooruitgang, 'n tydperk van bevryding en verlossing van gebondenheid.

Waarom is dit dan dat soveel miljoene mense deur die lewe gaan in armoede en ellende, siekte en wanhoop? Hoekom? Hoofsaaklik omdat hulle 'n realiteit maak van armoede deur die vrees daarvan. Hulle visualiseer armoede, ellende en siekte, hulle praat oor armoede en gevolglik bring hulle dit tot verwerkliking.

Die kern van die Wet is dat jy moet oorvloed dink, jy moet oorvloed sien, jy moet oorvloed voel, jy moet oorvloed glo. Moet gladnie aan beperking dink nie. Daar is geen wettige of regmatige begeerte van jou waarvoor, sover dit jou gedagtes aangaan, daar nie oorvloedige vervulling is nie.

En as jy dit in jou gedagtes kan visualiseer, kan jy dit 'n realiteit maak in jou daaglikse lewe.

.

Sukses

Hoe meer jy behaal in die lewe ... hoe groter word jou uitdagings. 

Dis fantasties! 

"Waaaat?" hoor ek jou sê. 

Wel... die manier waarop ek daarna kyk is dat, as my uitdagings groter is, bedoel dit dat ek moes verder vooruit gegaan het as toe my uitdagings kleiner was! 

 En... soos jy seker weet... hoe groter die uitdaging... hoe groter die les wat jy daaruit kan leer! 

Alles gedaan... hoe meer jy groei... hoe meer word jy uitgedaag om vinniger en verder te groei. 

Soos jy een voorheen-gesien-as-onoorkombare berg klim, verskyn 'n nuwe een op die horison. Wat fantasties is... want solank jy klim, beweeg jy vorentoe en nooit agteruit nie. 

En tog, soveel mense gooi tooi op sodra hulle 'n nuwe berg sien. 

Hulle vergeet die ergste is agter die rug omdat hulle die eerste berg klaar baasgeraak het! Dis eintlik baie treurig ... .

Onthou, soos die gesegde sê... ''Die langste reis begin met 'n enkele treë.'' 

Watter stap gaan JY vandag neem? Gaan jy die volgende berg klim...?

::

 

Doen dít waarvoor jy lief is

 

Êrens in geskiedenis het die mensdom die valse gedagte begin ondersteun dat dit nodig is vir ons bestaan om te werk aan vervelende, daaglikse aktiwiteite wat ons nie geniet nie. 

Ons word groot in ons geprogrammeerde lewens met die belaglike idee dat ons werk toe moet gaan om geld te verdien. 

Niks kan verder van die waarheid wees nie. Ons behoort werk toe te gaan vir BEVREDIGING. Jy wil jou dae spandeer deur te doen waarvoor jy lief is. 

 En moenie dink dit is selfsugtig om te wil doen waarvoor jy lief is nie - dit is NOODSAAKLIK vir 'n gebalanseerde en betekenisvolle lewe - 'n lewe waarin JY die hoofrol speel en 'n lewe wat jou in staat stel om volkome en heelhartig mens te wees. 

Deur te doen wat jou vreugde bring, is LEWE! Daar is geen ware bevrediging as ons gedwing word om iets te doen waarvan ons nie hou nie of MOET doen nie. So eenvoudig is dit nou maar net. 

Jy kan doen net wat jy wil; jou BEGEERTE om te doen is die BEWYS dat dit binne jou mag is. 

Die volgende stap is om op te tree of aksie te neem oor jou begeerte. Dis nou net hier waar baie mense verlore gaan -- wat as jy nie weet watter handeling om te neem nie? Jy het dalk 'n idee vir 'n besigheid, en moet jy nou 'n lening uit neem, self die fondse verskaf of 'n vennoot aanneem? Die geleenthede is oneindig en baie verwarrend en oorweldigend. 

Napoleon Hill se advies is dié : Hy sê moenie bekommerd wees oor die spesifieke aksie wat jy neem nie. Neem net die eerste klein treetjie, die eerste baba-stappie in die rigting van jou droom. Jy hoef nie 100% seker te wees of jy op die regte pad is nie, jy moet net fokus op die droom en vorentoe beur. 

Wanneer jy jou idee sien vorm neem - wanneer dit uiteindelik iets is waaraan jy kan vat en die resultaat sien en voel - wel, dit is 'n ongelooflike, dankbare oomblik. Wanneer ek so 'n oomblik beleef, herinner dit my aan 'n aanhaling van die beroemde psigoloog Alfred Adler - "Ek is dankbaar vir die idee wat my gebruik het." 

So, waarvoor is jy lief? Wat bring jou vreugde? 

Maak jou oë vir 'n oomblik toe en dink aan al die aktiwiteite wat jou hart laat sing. Herleef dié dinge en wees bewus hoe jy voel. 

Hoe gereeld neem jy deel aan hierdie vreugdevolle aktiwiteite? 

Maak NOU 'n lys en laat die Heelal weet jy is oop vir meer dergelike aktiwiteite. 

Hou altyd jou lys naderby om jou te herinner aan maklike maniere om met vreugde te konnekteer net wanneer jy wil. En as jy regtig met albei voete wil inspring, skeduleer sommer nou een of meer van hierdie aktiwiteite in jou dagboek! 

Onthou, jy is 'n magneet wat aanhoudend situasies, mense en dinge waaraan jy huidiglik dink na jou toe aantrek. 

Vreugde = Hoër Vibrasie = Vinnige Manifestasies. 

Ja, dit is hoe maklik dit is.

En hier is die geheim - en ek kan nie genoeg klem daarop lê nie : die sleutel is VREUGDE. Bowenal moet jy VREUGDE voel in waar jy nou is. Probleme wat swaar op jou hart rus is 'n blokkasie vir enige manifestasie. Sorteer jou binneste uit, raak ontslae van jou probleme, óf deur dit op te klaar óf deur aanvaarding - laat dit stil raak in jou binneste.

Sodra jy WARE VREUGDE voel, NOU, op hierdie oomblik, alleenlik dan is jy in staat om jou droom te manifesteer, geld te maak uit dít waarvoor jy lief is en jou droom te lewe.

::

Jou Reg om Ryk te Wees en in Oorvloed te Lewe

Wat ookal gesê mag word ten gunste van armoede, die feit bly staan dat dit nie moontlik is om 'n ware volledige en suksesvolle lewe te ly tensy jy ryk is nie. Niemand kan tot hul volle potensiaal in talent en siel ontwikkel sonder baie geld nie. Om die siel te ontplooi en talent te ontwikkel moet jy die nodige items hê, en jy kannie die nodige items bekom tensy jy die geld het on dit te koop nie.

Dis Nie Omtrent die Geld Nie - Dit Gaan Oor die Vryheid om die WARE Jy te Wees.

'n Persoon ontwikkel siel en liggaam deur gebruik te maak van dinge, en ons gemeenskap is so georganiseerd dat dit geld verg om dinge te besit. Derhalwe moet die basis vir alle ontwikkeling die kennis wees van hoe om ryk te word.

In die aanleer van die wetenskap om ryk te word, lê 'n dieper les, nie net een van om welgesteld te wees nie, maar watter tipe persoon jy word in die proses van ryk word, want die een kannie sonder die ander gebeur nie.

Die oogmerk van die lewe is ontwikkeling en alles wat lewe het 'n onvervreemdbare reg tot alle ontwikkeling wat moonlik is. 

'n Persoon se lewensreg bedoel hy het die reg om vrylik gebruik te maak van alles moontlik om sy volle geestelike, spirituele en fisiese potensiaal te bereik; in ander woorde, die reg om ryk te wees.

In hierdie artikel sal ek nie oor rykdom praat in 'n figuurlike manier nie. Om waarlik ryk te wees  bedoel nie dat jy tevrede hoef te wees met net 'n bietjie nie. Niemand behoort tevrede te wees met 'n bietjie as hy kapabel is om meer te gebruik en meer te geniet nie. Almal behoort alles te hê wat bydra tot mag, elegansie, skoonheid en die oorvloed van die lewe. Om met minder tevrede te wees is sondig.

Die persoon wat alles besit wat nodig is om die lewe ten volle te geniet is ryk, en geen persoon sonder baie geld kan alles besit wat hy wil hê nie. Die lewe is só ver gevorderd en so ingewikkeld dat die mees ordinêre man of vrou groot rykdom benodig om 'n lewe te ly wat naastenby aan volheid grens. Die begeerte om alle moontlikhede te realiseer is diep gewortel in die menslike natuur; dit is inherent dat ons die hoogste toppunt wil bereik.

Sukses in die lewe is om te word wat jy wil wees.

En jy kan alleenlik bereik wat jy wil wees deur gebruik te maak van dinge en jy kan alleenlik gebruik maak van dinge soos jy ryk genoeg word om dit te koop.

Daar is niks mee verkeerd om ryk te wil wees nie. Die begeerte vir weelde is eintlik 'n begeerte vir 'n ryker, voller, meer oorvloedige lewe - en daardie begeerte is prysenswaardig. Die persoon wat nie oorvloed begeer nie, is abnormaal en dieselfde gaan vir die persoon wat nie meer geld begeer nie.

Daar is drie beweegredes of motiewe waarvoor ons lewe:

Ons lewe vir die liggaam,

Ons lewe vir die intellek,

Ons lewe vir die siel of gees. 

Geen een van hierdie is beter of heiliger as die ander nie; almal is ewe begeerlik en geen een van die drie - liggaam, intellek of siel - kan ten volle bestaan as een van die ander te na gekom word nie. Dit is nie reg of edel vir die siel om die liggaam te ontken nie, en dit is verkeerd vir die intellek om die liggaam of die siel te ontken.

Ons weet almal wat gebeur as ons net vir die liggaam lewe en geen aandag aan ons intellek of gees bestee nie. So ons kan dus sien dat 'n waarlike sinvolle lewe alleenlik moontlik is deur die totale uitdrukking wat ons gee aan liggaam, intellek en gees.

Wat enigeen ookal sê, niemand kan gelukkig of tevrede voel tensy die liggaam volmaak werk in al sy funksies nie, en dieselfde is waar vir die intellek en siel of gees. Waar ookal daar 'n tekortkoming is, is daar onvervulde begeerte.

'n Persoon kannie ten volle lewe in 'n liggaam sonder kos, gemaklike kleding en 'n warm skuiling nie. Rus en rekreasie is ook nodig vir die liggaam.

Niemand kan volkome lewe in intellek sonder boeke of die tyd om hulle te lees nie, sonder om te reis en waar te neem nie, of sonder intellektuele geselskap nie. Om die intellek te stimuleer moet ons omring wees deur kunstige voorwerpe en skoonheid wat ons kan gebruik en waardeer.

Om 'n volkome geestelike lewe te ly moet 'n mens liefde hê en liefde word volle uiting ontken deur armoede.

'n Persoon se allerhoogste geluk is te vinde in die skenking van voordele aan sy geliefdes; die liefde se mees natuurlike en spontane uiting is deur iets te skenk aan 'n ander. Die individu wat niks het om te gee nie, kan nie sy regmatige plek volstaan as 'n ouer, 'n burger of 'n menslike wese nie.

Dit is deur die gebruik van materiële dinge dat 'n mens volle lewe vind vir die liggaam, ontwikkeling van die intellek vind en waardeur die siel ontvou. Dit is derhalwe van uiters belang vir elke individu om ryk te wees.

Dit is heeltemal aanvaarbaar dat jy begeer om ryk te wees. As jy 'n normale persoon is kan jy nie help om dit te begeer nie. En dit is heeltemal aanvaarbaar dat jy al jou aandag toespits op die wetenskap van hoe om ryk te wees want dit is die mees belangrikste en grootmoedigste van alle studies.

As jy hierdie studie verwaarloos, verwaarloos jy jou diens aan jouself en aan die mensdom, want jy kan geen groter diens lewer as om die meeste van jouself te maak nie.

Ons lewe vir die liggaam,

Ons lewe vir die intellek,

Ons lewe vir die gees.

Geeneen van dié is beter of heiliger as die ander nie... 

:: 

Die langste reis begin met die eerste tree...

Daar is soveel bestemmings en ontdekkingstogte om van te kies vir 'n reistog dat dit geweldige beplanning vereis om te besluit waarheen jy wil gaan. 

Maar vandag wil ek nie praat oor 'n reistog na Namibië of Switserland of na die bosveld nie - die reistog waaroor ek wil gesels is dié van die ontdekking van jouself - hoeveel van ons weet presies wie of wat ons is? Of wáár ons in ons lewens is? Of waarheen ons op pad is?

Soos hulle sê, "die langste reis begin met die eerste tree...". En om net daardie eerste tree te neem is die belangrikste besluit wat sal lei na die skepping vou jouself, 'n skepping van die self wat sal lei tot wie en wat jy is. 

Soveel mense verlang dat jy jouself op 'n sekere manier moet gedra sodat hulle goed kan voel oor hulself. Hulle veroordeel jou vir jou selfsugtigheid. "Hoe durf jy so selfsugtig wees as om te doen wat jou laat goed voel? Jy moet doen wat ons laat goed voel!" 

Jy is van jongs af al oortuig dat jy nie slim genoeg is om te weet nie en dat iemand anders jou besluite moet neem... Jy kon nie in hierdie kultuur en tye leef sonder om massiewe inligting daaraan verwant to ontvang nie, net soos mense reageer op wat jy doen en sê. 

Dit maak nie eintlik saak watse geloof enigiemand volg nie. As hulle leefwyse vir hulle werk (en daar is baie verskillende benaderings wat baie goed werk) dan hoekom nie hulle toelaat om te glo wat hulle wil glo nie en te wees wat hulle wil wees nie? Alles werk soos dit is en moet. Daar is gelowe waarmee jy niks te doen sal wil hê nie wat perfek werk vir dié wat daarmee betrokke is. En derhalwe is dit dan 'n goeie ding. Elke geloof op die aarde het die potensiaal om te floreer (en daar is sovele meer as waarvan jy bewus is), maar wanneer jy dink jy moet bewys dat jóu geloof die enigste een is wat reg is—en jy gebruik jou veroordeling om daarteen te veg—dan skei jou veroordeling jou van jou verbinding met jou eie geloof. 

Die wêreld neig na uitdruklike gelykvormigheid of eenvormigheid, wat enorme ergernis en droefheid vir die mensdom veroorsaak. Dit is die kern van alle geloofsstrydslagte en geloofsstrydslagte is die kern van al ons strydsslae. Met ander woorde, al die oorloë en globale irritasie wat ons met mekaar voer gaan oor ons vasbeslotenheid om gelykheid en eentonigheid te bewerkstellig. Ons demokrasie hou vol dit is die enigste regering wat reg is en elke geloof (interessant genoeg) hou vol dat dit die enigste een is wat werk. 

Dit maak nie saak wat enigiemand anders doen nie - jou karakter en waar jy jou bevind in hierdie lewe sal bepaal is wat JY doen - Jy kan vrylik kies om nuwe paaie van vreugde te ontdek. In vreugde sal jy groei; en in jou wasdom sal jy bytel tot Alles-Wat-Is. (Ewenwel is jy ook vry om gebondenheid of pyn te kies... maar enige iets wat enigeen kies is omdat hulle glo dat dit hulle beter sal laat voel.) 

Niemand kan keer waarheen jy jou gedagtes lei nie. Daar is geen einde aan die vreugdevolle reise wat jy kan ondervind nie. Op die paadjie na jou geluk sal jy alles wat jy wil doen, wees of verlang, ontvang. 

Deur ander hul eie reistog toe te laat, laat jy joune toe. 

::

 

Die mag van Dankbaarheid

 

Daar is 'n indrukwekkende aanhaling wat sê, "Waaroor jy dink en dank is wat jy meebring.''

Wetende dat alles waarop jy fokus sal groei, is Dankbaarheid 'n treffende manier om oorvloed in ALLE aspekte van jou lewe te skep.

Die vibrasie van dankbaarheid is ongelooflik sterk en word dus ook aanbeveel wanneer jy teneergedruk voel.

Om dankbaarheid gereëld te beoefen, probeer ek elke dag te begin deur te sê,

'Dankie vir hierdie wonderlike dag wat voorlê...',

en derhalwe stel ek die voorneme om te vertrou dat dit wel so sal wees.

Ek maak ook voorsiening in my oggend-roetine vir geskrewe dankbaarhede wat ek opteken in 'n spesiale notaboekie (ek gebruik een van die vele 'Moleskine' notaboekies wat beskikbaar is by meeste boekwinkels).

Begin by iets makliks soos ''ek is dankbaar vir die sonskyn'', ''ek is dankbaar vir die reën'', ''ek is dankbaar vir my gesondheid'', ''ek is dankbaar vir my familie'' en binnekort sal jy diep kan delf en jou daaglikse lys sal al hoe langer word.

Party dae vind ek dit moeiliker as ander dae om redes vir dankbaarheid te vind en dis gewoonlik wanneer ek dit die meeste nodig het! Op daardie dae sal my dankbaarheidslys dalk meer generies wees en ander dae is dit sappig en vol essensie, dan is dit die meeste pret en wanneer opwindende dinge gebeur!

Dankbaarheid is 'n gewoonte en vereis nie perfeksie nie, net tyd en fokus. Aristotle het gesê, ''Voortreflikheid is nie 'n aksie nie, maar 'n gewoonte.''

Dankbaarheid is 'n oefening wat jy in jou lewe kan toepas op vele maniere ~

- Hou 'n Dankbaarheidsjoernaal

- Maak 'n Dankbaarheidsvisiebord

- Jy kan dankbaarheid toepas wanneer jy êrens loop of Joga doen

- Jy kan eenvoudig dankbaarheid uitspreek in stilte of in jou gesprek met andere

Die moontlikhede is eindeloos.

As jy in die proses is om iets nuuts in jou lewe te manifesteer, soos 'n nuwe huis of 'n nuwe motor of 'n ander werk, wees dankbaar en glo dit is reeds joune. En binnekort is dit!

Hier is 'n paar voorbeelde wat jy dalk kan gebruik - voel vry om die woorde te verander na iets wat meer van toepassing vir jou sal wees

"Ek is dankbaar dat die ...............................................................................

(ek hou daarvan om R miljoene te gebruik!), wat myne is, nou beskikbaar is en my sal bereik deur genade en op 'n perfekte manier!''

Nog 'n gunsteling van my kom van Michelle Massey -

''Dankie, ek is dankbaar vir wie ek is.

 Dankie, is dankbaar vir al my vaardighede wat ek kan gebruik

 om myself en ander te help.

Dankie, ek is dankbaar vir dít wat ek ontvang!''

Geesteshoudings is aansteeklik. Sal joune byval vind?

Ek kan jou waarborg dat enigeen wat jy ken wat gelukkig en suksesvol is gereëld dankbaarheid beoefen. En ek wed jou hulle geesteshouding is aansteeklik en vind definitief byval!

Dankbaarheid sal jou verander in 'n magneet wat alles wat jy begeer sal aantrek! Maak 'm gewoonte van dankbaarheid vandag en sien hoe jou lewe verander!

Onthou om 'n ogie oop te hou vir wonderbaarlike sinchronisiteite wat jou sal laat weet jy beweeg in 'n positiewe rigting.

Ek Wens Vir Jou 'n Soetvloeiende Tog na Dankbaarheid!

::